Zbulohet e vërteta: ‘Audi’ ka mashtruar në testet për ndotjen

0
54

Prodhuesi gjerman i automjeteve luksoze “Audi” ka instaluar në program ilegal në automjetet e tij diesel për të mashtruar testet për ndotje në Gjermani dhe Evropë, deklaroi sot ministri gjerman i Transporteve, Alexander Dobrindt.

“Rreth 24 000 modele A8 dhe A7 të prodhuara mes vitit 2009 dhe 2013 me motorë diesel V6 dhe V8, nga të cilat 12 000 në Gjermani dhe 12 000 në Evropë, kanë përdorur këtë pajisje”, tha Dobrindt.

“Audi” ka qenë për një kohë të gjatë në fokus të një serie ndërkombëtare hetimesh për skandalin e mashtrimit në testet për ndotje, që doli në shtator 2015 kur prodhesi partner i automjeteve, “Volkswagen”, që pranoi se ka bërë manipulime të testeve për rreth 11 milionë automjete në të gjithë botën.

Në mars, hetuesit gjermanë filluan një hetim të gjerë në zyrat e “Audi”-t, duke u nisur nga dyshimet për mashtrim të lidhura me skandalin që preku grupin “Volkswagen”.

Lini komentin tuaj

Ju lutemi shkruani komentin tuaj!
Ju lutemi shkruani emrin tuaj këtu