Dhunoi fëmijët e kopshtit ku punonte, ja vendimi i gjykatës për edukatoren

0
23

Gjykata e Tiranës ka dhënë masën arrest me burg për edukatoren Denida Rexhepi. Edukatorja është arrestuar pasi akuzohet se ka dhunuar fëmijët e një kopshti privat në Tiranë.

Pas denoncimit të bërë nga nënat e dy fëmijëve, 30-vjeçarja ra në prangat e policisë për ushtrim dhune fizike ndaj fëmijëve të mitur në një kopsht në rrugën “Nikolla Lena”.

Në cilësinë e provës materiale janë sekuestruar pamjet filmike të kamerave të sigurisë të këtij kopshti.

NJOFTIMI I POLICISË

Më datë 04.06.2017, Specialistët e Komisariatit të Policisë Nr 2, kanë arrestuar shtetasen: D.R, 30 vjeçe, banuese në Tiranë, me profesion edukatore kopshti.

Kjo shtetase është arrestuar, sepse më datë 04.06.2017, në ambientet e Komisariatit të Policisë Nr 2, janë paraqitur shtetaset J. B. dhe M. L., të cilat kanë bërë kallzim duke pretenduar se më datë 30.05.2017 dhe 31.05.2017, shtetasia D.R, duke kryer detyrën e saj si edukatore pranë një kopshti privat në rrugën “Nikolla Lena”, ka ushtruar dhunë fizike ndaj fëmijëve të tyre të mitur në këtë kopësht.

Në cilësinë e provës materiale janë sekuestruar pamjet filmike të kamerave të sigurisë të këtij kopshti.

Materialet proceduriale i’u kaluan Prokurorisë pranë Gjykatës së Shkallës së Parë Tiranë, për veprën penale “Keqtrajtimi i të miturit”, parashikuar nga Neni 124/b i Kodit Penal.

Burimi: BalkanWeb / Shendeti.com.al

Lini komentin tuaj

Ju lutemi shkruani komentin tuaj!
Ju lutemi shkruani emrin tuaj këtu