Antivirusi Kaspersky, Kremlini akuzon SHBA për konkurrencë të pandershme

0
39
Loading...

Kremlini e cilësoi sot si konkurrencë të padrejtë vendimin e Uashingtonit për t’i ndaluar agjencive federale amerikane përdorimin e softuereve të shoqërisë ruse “Kaspersky Labs”, e specializuar në sigurinë informatike.

“Me vërtetësi, këto akte kanë të bëjnë me konkurrencë të pandershme dhe shkelje e të gjithë standarteve të tregtisë ndërkombëtare”, deklaroi për median, zëdhënësi i Kremlinit, Dmitri Peskov.

Duke përmendur dyshimet për lidhje me shërbimet sekrete ruse, ministrja e përkohshme për Sigurinë e Brendshme, Elaine Duke i dha urdhër të gjithë zyrtarëve federalë për të ç’instaluar deri në një afat 90 ditor të gjitha pajisjet antivirus “Kaspersky Labs” nga kompjuterat e qeverisë dhe agjencive federale.

Të martën, zyra përgjegjëse për blerjet e qeverisë federale amerikane (GSA) kishte tërhequr tashmë “Kaspersky Labs” nga lista e saj e shitësve të autorizuar./b.d

Loading...

LEAVE A REPLY

Please enter your comment!
Please enter your name here